Antes de preparar un Asalto é importante a estratexia. Por iso levamos anos axudando a espremer os miolos con INCUDE, Iniciativas Culturais e Deportivas Universitarias da Universidade da Coruña.

Este ano queremos darlle un pulo, e teremos novas actividades durante o propio sábado 2 de xullo do Asalto:

1. Mostra de xogo de taboleiro Irmandiños. (De 11.00 a 12.00h)
O xogo Irmandiños será o protagonista, aínda que levaremos algún xogo clásico como 3 en raia e muiño. O mellor recibirá unha taza coa imaxe do noso xogo.

2. Torneo de partidas rápidas de xadrez. 
De 11,30 a 13,00 aproximadamente. Na praza do Concello. O premio será un trofeo.

3. Torneo de Clash Royale.
De 13,00 en adiante. O premio será unha tarxeta regalo de Google Play con valor de 15 euros.
Para o mellor das tres actividades anteriores entregaremos un trofeo.
4. Torneo online de xadrez.
Pola tarde. De 16,00 a 17,00. Será en lichess. Aberto por tanto a calquera interesado de calquera lugar do mundo. O premio será unha tarxeta regalo de Google Play con valor de 15 euros.

Reserva a actividade que máis che preste para asegurar o teu sitio https://forms.gle/21mamnxhBcAZTFPDA